Tore Liaskar er avdelingsleiar for plan- og infrastruktur i Mulvik AS og har over 14 års erfaring innan prosjektering av veg-, vatn- og avløpsanlegg. Han har fagskuleutdanning innan bygg og anlegg, to år høgare utdanning innan bygg/anlegg frå Høgskulen i Ålesund, samt fagbrev som tømrar.

Tore har brei erfaring frå arbeid for både private utbyggjarar, profesjonelle aktørar og offentlege oppdragsgivarar. Han har solid kompetanse innan offentlege anskaffingar og anbod, inkludert utarbeiding av konkurransegrunnlag og bruk av NS3420. Vidare har han god kjennskap til kontraktsstandardane NS8405, NS8406 og NS8407.

I det daglege arbeider Tore med prosjektering av veg- og VA-anlegg, der han dekker heile spekteret frå modellering, mengdeberekningar og dimensjonering til beskrivingar og koordinering i gjennomføringsfasen. Han er oppteken av praktiske og gjennomførbare løysingar, med god samanheng mellom planlegging, prosjektering og utføring.

Spesialfelt og kompetanse

• Prosjektering av veg-, vatn- og avløpsanlegg

• Offentlege anbod og konkurransegrunnlag

• NS3420 og kontraktsstandardane NS8405, NS8406 og NS8407

• Modellering, mengdeberekningar og dimensjonering

• Koordinering i gjennomføringsfase