Ottar Magne Skare er avdelingsleiar for takst i Mulvik AS og har over 30 års erfaring som rådgivande ingeniør og takstmann. Han er utdanna byggingeniør innan konstruksjonsteknikk frå NTNU Ålesund og har vore tilknytt Mulvik AS sidan 1990. I perioden 1995–2024 var han eigar og styreleiar i selskapet, før han i 2024 gjekk inn i rolla som avdelingsleiar for takst.

Gjennom karrieren har Ottar arbeidd breitt innan VA, bygg, byggjeleiing og takst, og har særleg sterk kompetanse innan forsikringsrelaterte takstar og skjønn. Han er sertifisert takstmann gjennom Norsk Takst og godkjend av TEGoVA som både Recognised European Valuer (REV) og TEGoVA Residential Valuer (TRV) i tråd med European Valuation Standards.

Ottar har hatt ei sentral rolle i utviklinga av takstfaget nasjonalt, mellom anna som president i Norsk Takst i perioden 2011–2018. Han har òg lang erfaring som forelesar innan skade-, skjønns- og tilstandstaksering for Norges Eiendomsakademi og Norsk Naturskadepool, samt som ekstern sensor ved Fagskulen på Vestlandet. I tillegg har han oppdrag som meddommar og rettssakkyndig.

Spesialfelt og kompetanse

• Forsikringsskadeskjønn for bustad og næring

• Naturskadetaksering av næringseigedom

• Verditaksering av næringseigedom

• Skjønn og rettsrelaterte takstoppdrag